O terceiro número de Revista de Poesía será o último en saír á luz pública nesta etapa que, como o propio proxecto de investigación poesiagalega.org, conclúe a finais do ano 2012.

O consello de redacción seleccionou para esta ocasión a tradución dun importante ensaio de Charles Baudelaire sobre Constantin Guys; unha análise sobre a obra do poeta estonio Andres Ehin; unha análise sobre o agromar da fotomontaxe no núcleo dadaísta berlinés; e, finalmente, dúas recensións de publicacións poéticas galegas recentes.

  Revista de Poesía N3.