O acto, organizado en principio para a Praza da Quintana, trasládase por mor das predicións meteorolóxicas á igrexa de San Domingos de Bonaval (venres 7 de xuño, 17:30 h.). As nenas e nenos, de entre oito e doce anos, interpretarán poemas como "Maio longo" e Negra sombra" dirixidos por Maximino Zumalave e co acompañamento do grupo de metal Hércules Brass.

O GAAP, en colaboración co proxecto A poesía no espazo público: Intervención, transferencia e performatividade, desenvolvido por un equipo internacional de investigadores/as, convoca para o 30 de maio a primeira das súas Citas. Será o poeta Daniel Salgado quen inaugure este espazo de debate arredor da poética propia e a análise da situación e posibilidades da poesía no momento presente nunha perspectiva ao tempo local e global.

Organizado polo Irish Centre for Galician Studies da Universidade de Cork o espectáculo de María Lado e Lucía Aldao After: Poesía canalla, risas e música preséntase o día 24 de maio ás 18:30 h. en The City Library de Cork.