O Consello da Cultura Galega fai público o programa das cinco xornadas do congreso rosaliano, que se desenvolverán entre o 28 de febreiro e o 27 de xuño deste ano 2013, e abre o envío de propostas para a sección virtual do propio congreso.

O luns 14 de xaneiro terá lugar no Centro Sociocultural Ágora da Coruña, ás 20:30 h, o diálogo poético entre as poetas galega e exipcia. Organiza o Ciclo de Poesía do Concello da Coruña e presenta Yolanda Castaño.

poesiagalega.org é unha iniciativa do GAAP que se materializou polo apoio inicial do Consello da Cultura Galega e pola obtención posterior de financiamento público a través dunha convocatoria da Xunta de Galicia (Programas Sectoriais de Investigación Aplicada: Sociedade e Cultura). O 4 de decembro de 2012 remata o ciclo trianual do proxecto de investigación vinculado e ábrese unha xeira nova na que a produción e actualización de contidos do repositorio dixital diminuirá sensibelmente por mor da dispersión do equipo, que nalgúns casos supuxo ademais a perda de postos de traballo.