O blogue Publicacións galegas nace co obxectivo de facilitar o acceso do público interesado aos contidos de certas publicacións históricas de interese. Nós, A Fouce, Guieiro e A Nosa Terra son as primeiras revistas das que se están a colgar entregas en pdf na páxina para a súa libre descarga. Xa están dispoñibles tamén os cinco números de Terra, voceiro da Irmandade Nazonalista Galega de Buenos Aires. Se ben o proceso de dixitalización de contidos pretende ser fundamentalmente cronolóxico existe a posibilidade de solicitar no enderezo electrónico galiza.arredista@gmail.com que se suban uns números antes ca outros, como xa se fixo co último número d'A Fouce.

Outras revistas que se prevé dixitalizar a continuación son Alento, Nova Galiza e Rexurdimento.