Lois Pereiro. Breve encontro. Un achegamento comiqueiro á obra e vida do poeta é o título desta novela gráfica sobre Pereiro que consta de 160 páxinas das que 24 son xa de descarga libre no blog de Xerais.

O autor, Jacobo Fernández Serrano, elabora así unha achega diferente ao autor homenaxeado este ano nas Letras Galegas, e conta para iso coa coedición da editora e a Consellaría de Cultura. A obra completa poderá adquirirse nas librerías a comezos do vindeiro mes de xuño.