A editora barcelonesa Libros del silencio, dirixida polo galego Gonzalo Canedo, vén de publicar a Obra Completa de Lois Pereiro en edición bilingüe, que inclúe os escritos en poesía e en prosa do autor homenaxeado este ano nas Letras Galegas. Poden lerse así, na tradución ao castelán de Daniel Salgado: Poemas para una loia, Poemas 1981-1991, Poesía última de amor y enfermedad; Náufragos del paraíso, Modesta proposición y Conversación Ultramarina.

A Xunta de Galicia apoiou esta edición, que alén dos textos en galego e castelán, incorpora un prólogo de Pere Gimferrer e unha introdución de Xosé Manuel Pereiro para achegar ao lectorado ao mundo poético do seu irmán.