Os días 31 de marzo e 1 de abril a universidade irlandesa de Cork acollerá un simposio dedicado á tradución literaria en contextos minoritarios. Organizado por Helena Buffery e Martín Veiga, do Departamento de Estudos Hispánicos, conta así mesmo co patrocinio do Centro de Estudos Galegos irlandés, a Escola de Linguas, Literaturas e Culturas, a Universidade de Cork e o Instituto Ramón Llull.

As conferencias correrán a cargo de profesorado, escritores, poetas e tradutores de diversas procedencias, cunha importante presenza galega e catalá nos temas abarcados.