Espiral Maior vén de publicar os dous primeiros títulos da súa nova colección para o lectorado máis novo. Parece unha rosa parte dun texto de Rosalía de Castro no que unha nena e un neno son convidados a lavarse nunha fonte. Cantiga do mazarico, pola súa parte, nace do poema homónimo de Emilio Pita. As ilustracións dos dous álbums son obra de Isabel Pintado e contribúen a crear ese ambiente de xogo e ensoñación que alicerza ambos libros.