A presentación será ás 21 h. na Casa Dopeso, na Rúa Rosalía de Castro, 28.

[Da nota informativa da editorial Galibook]

Os poemas de Fume de Cerna amósannos unha paisaxe que sufriu o paso do tempo. Un modo de vida rural que desapareceu comesto polas pistas, as canteiras, os muíños de vento e que mesmo cambiou os cursos dos ríos. Pero estes poemas tamén falan de como o paso do tempo cambiou esa outra paisaxe máis íntima. Como muda o amor, a familia, a visión da vida co paso dos anos.