[Os textos tómanse do web Compostela. Capital cultural]

En Lampíricos, confúen varias das liñas de traballo que Lopo despregou nos últimos anos: desde a oralidade e a poesía textual, á videocreación e a poesía conceptual, pasando pola performance ou a lírica salvaxe. A obra inclúe varios traballos performáticos do autor, algúns inéditos como Acarexei os muros da miña patria ou avances do seguimento transxénero que actualmente realiza con Mauricio González (Celeste).

Lampíricos, porén, non é un expoñente individual senón o resultado dun esforzó comunal ao que contribuíron David Granha na música, Manolo Martínez no deseño gráfico, Tono Arias na fotografía, Pixi Arnoso e Xoán Villar no labor videográfico, María Salvado na iluminación, Eloy Corgo na coreografía, o músico Davide Salgado, Carlos Neira, Miguel Ángel Arce, Pumpún Dixital, Xosé Luís Salgado López, Mauricio González, Carmen Breixo, Soedade Noia e Luísa Iglesias.