[Da nota de prensa]

Ismael Ramos (A Picota, Mazaricos, 1994) estuda Lingua e literatura españolas na Universidade de Santiago de Compostela. Durante os anos de instituto obtivo numerosos premios literarios, entre os que se inclúen os Minerva e o Ánxel Casal. En 2012 fíxose co Premio de poesía Francisco Añón e en 2013 co Premio de narración curta Ánxel Fole. Textos seus teñen visto a luz en revistas como Dorna, A Casa da Gramática ou o suplemento "Barbantia" de La Voz de Galicia.