A Fundación Barrié, na súa colección Biblioteca Filolóxica Galega, publica O romance da urca de Santo Antón (1777). Poesía en galego no Ferrol do século XVIII. Trátase dun texto de 668 versos atopado no Arquivo Histórico Nacional de Madrid. O volume, preparado por Ramón Mariño, Margarita Sánchez e Damián Suárez, inclúe unha edición crítica e un estudo histórico e sociolingüístico do manuscrito, alén dunha reprodución fotográfica deste. Trátase dun romance ambientado en Ferrol que achega datos valiosos tanto sobre a sociedade do momento como sobre a lingua do século XVIII,