A Fundación Manuel María vén de publicar un libro inédito do poeta chairego titulado Os lonxes do solpor, no que din que se percibe a comuñón coa terra, a saudade do pasado e a deshumanización do presente. Xuntamente co poemario sae o cedé Andando a terra, no que Uxía fai unha interpretación musical de textos de Manuel María, así coma un DVD, De amor e cantería, de Píxel Films. Este último traballo recibiu o premio Mestre Mateo á mellor produción experimental do ano 2011, sobre un guión de Anxa G. Refoxo que traslada a sons e imaxes os Sonetos á Casa de Hortas. Velaquí tres formatos e tres novos xeitos de achegármonos ao poeta.