O Grupo de Investigación Rosalía de Castro organiza este obradoiro, no que se tratarán cuestións como as achegas recentes sobre a vida e o tempo de Rosalía, a internacionalización dos estudos rosalianos e os novos enfoques sobre a poesía, a narrativa e o ensaio da autora. Presentaranse, ademais, a edición da obra galega completa na editorial Xerais, a monografía Canon y subversión. La narrativa de Rosalía de Castro e Novas olladas sobre Rosalía de Castro, número especial da revista Grial.