Forked Tongues escolma ademais textos de catro poetas vascas (Itxaro Borda, Miren Agur Meabe, Castillo Suárez e Leire Bilbao) e catro catalás (Vinyet Panyella, Susanna Rafart, Gemma Gorga e Mirei Calafell). Neste volume os poemas pódense ler nas súas linguas orixinais e mais en tradución ao inglés. 

A profesora Manuela Palacios continúa con esta antoloxía unha liña de investigación comparatista sobre poesía e xénero, que se vén materializando en diversos proxectos sobre a escrita das mulleres en Galiza e Irlanda.