"Érase una vez... Galicia", número ilustrado por Ginés Liébana, traza un panorama da poesía galega desde Rosalía de Castro até os nosos días, con textos en versión bilingüe galego-castelán de autores como Pondal, Curros, Cabanillas, Otero, Pimentel, Novoneyra, Álvaro Cunqueiro, Celso Emilio Ferreiro, Méndez Ferrín,  X. Mª Álvarez Cáccamo, Cesáreo Sánchez, Xulio L. Valcárcel, Darío X. Cabana, Claudio Rodríguez Fer ou César A. Molina. Os ensaios abordan a obra rosaliana, as figuras de Cunqueiro e Celso Emilio Ferreiro, a reescritura dos contos de fadas ou a representación do mundo clásico na poesía galega.

A editorial Eneida prepara así mesmo unha antoloxía de poesía galega contemporánea, que sairá do prelo no outono baixo o título de Sinfonía atlántica. Antología general de la poesía gallega.