A publicación de Pranto Matricial coincidiu co quinto aniversario da morte de Castelao (a quen vai dedicada) e conta coas ilustracións de Colmeiro, Maside, Souto e Torres. A edición especial do Consello da Cultura Galega inclúe, ademais da versión facsimilar dos textos en galego e castelán publicados por Ediciones Galicia de Bos Aires, a presentación de Ramón Villares que leva por título “Pranto polo amigo Daniel” e o estudo introdutorio “Paz Andrade, os galeguistas, Bos Aires e Pranto Matricial”, de Afonso Vázquez-Monxardín. 

Pola súa banda, o recital foi gravado en 1957 nos estudos San Martín da capital arxentina.