Os recitais, que darán comezo o domingo 8 de xullo, terán lugar no Bar Brétema ás 21:30 h e contarán, entre outros, coa participación de Alicia Padín e o pianista Toño Pita.

Nas catro primeiras sesións do mes de xullo, chamadas "Cadernos de Viaxe", "Conmemoracións", "Sesión Gholfa" e "Todas as Linguas", poderanse escoitar fragmentos das obras de autores galegos como Rosalía de Castro, Valentín Paz Andrade, Lois Pereiro ou os internacionais Fernando Pessoa, Rainer Rilke e Walt Withman.