A Asociación Abrindo Camiño de Amigos do Camiño Norte de Santiago e mais o Excelentísimo Concello de Mondoñedo, en colaboración coa Deputación Provincial de Lugo, organizan unha serie de actos conmemorativos dos cen anos da morte de Manuel Leiras Pulpeiro. Entre o 6 e o 8 de xullo celebraranse as V Xornadas do Peregrino en Homenaxe a Manuel Leiras Pulpeiro polo Centenario do seu Pasamento. Entre xuño e novembro terán lugar as representacións teatrais do ciclo Que calen os eidos! Alén disto, estase a elaborar un Roteiro Leiras Pulpeiro.