Un xurado composto por Fernando de Castro Blanco, Francisco Xavier Fernández Naval, Teresa Devesa e Xavier Rodríguez Barrio, gañador do ano anterior, concedeu a Habitación do asombro o devandito galardón.

Este premio engádese así á ampla listaxe de recoñecementos que lle foron outorgados ao seu autor durante a súa xa dilatada carreira poética: o Celso Emilio Ferreiro, o Esquío, o Premio da Crítica Española ou o Miguel González Garcés, entre outros.

O xurado destacou a unidade temática e a tensión que se mantén desde o principio ata o final do libro.