Toda a serie de achegas á poesía galega que o Anuario foi acollendo nas súas distintas seccións (artigos, panorámicas, recensións) nas dúas etapas que coñeceu ao longo da súa vida (1992-2002 e 2003-2007) poden ser consultadas  xa no noso arquivo. Estes traballos, na súa diversidade de temas e enfoques metodolóxicos, constitúen unha boa mostra do rigoroso criterio científico polo que a revista tentou guiarse e que a converteu en referencia inexcusable para os investigadores da literatura galega.

O equipo de poesiagalega.org quere deixar constancia do seu agradecemento á Editorial Galaxia por facilitar a reprodución desta publicación.