Ademais destas melloras implementarase un sistema que permitirá visualizar listaxes de autores/as e títulos.

En breve procederase así mesmo ao peche e edición en pdf do número 1 de Revista de Poesía, abrindo consecuentemente a fase líquida ou aberta do número 2.

Por último, renovaremos o dossier para ofrecer unha interesante edición contrastiva do primeiro libro de Uxío Novoneyra, ao coidado de Anxo Tarrío Varela. O contraste realízase entre a edición orixinal d'Os eidos e o manuscrito definitivo desta obra, o cal permitirá apreciar as modificacións levadas a efecto polo autor, importantes sobre todo desde unha perspectiva xenético-textual, poética e retórica.