Coa publicación de As trovas de Midas, de Diana Varela Puñal, a empresa Galebook estréase como selo editorial que presta unha atención especial aos contidos para nenos. Esta iniciativa empresarial, creada no marco da Universidade da Coruña, resultou gañadora no ano 2010 do Concurso de Proxectos Empresariais Innovadores na categoría de "Muller emprendora" convocado pola Universidade de Santiago de Compostela. Ademais da creación e publicación de contidos dixitais como os poemarios mencionados e diferentes materiais educativos relacionados coa lingua e a literatura, Galebook ofrece todo tipo de servizos lingüísticos.