Máis de catrocentos anos despois da súa primeira edición (Londres, 1609) publícase en galego esta colección de 154 sonetos considerada un dos cumios da poesía lírica universal e que segue sorprendendo pola súa modernidade.

Ramón Gutiérrez Izquierdo, profesor de Lingua e Literatura Galegas no campus de Ourense da Universidade de Vigo, é o tradutor desta edición que inclúe notas e comentarios a cada un dos sonetos, así como tamén foi o encargado da última versión en castelán impresa pola editorial Visor.