Holocausto Zacoe, de Calros Solla, é unha alegoría sobre a situación do idioma e da identidade do pobo galego da que o xurado do Premio Victoriano Taibo destacou a ironía e o humor como recursos fundamentais para esquivar o "desacougo tráxico" que os poemas relatan.

No Certame Literario do Concello de Vilalba, que conta co apoio da editorial Espiral Maior, quedou en segundo lugar o poemario Entre as paredes do silencio, de Martiño Maseda Lozano. Mención especial levou a obra Trinta cantigas e cinco alalás, de Marcial González.