Logo da crise que puxera en perigo a continuidade da Fundación e dos premios asociados, esta renovación da directiva supón unha aposta por un proxecto máis plural e con maior presenza de mulleres. Os Premios da Crítica entregaranse desta volta en outubro, excepción debida aos cambios experimentados pola asociación, que afronta agora unha renovación dos estatutos e o deseño das categorías que serán premiadas.

A nova directiva, presidida por Bieito Ledo, está integrada por: María do Cebreiro Rábade, María López Sández, Blanca Roig, Charo Portela, Inma López Silva, Comba Campoy, Antón Pulido, Manuel Bragado, Xavier Senín, Anxo X. Rajó, Víctor Fernández Freixanes, Marcos Lorenzo, Ernesto Sánchez Pombo, Anxo Tarrío Varela e Antón Sobral.