O xurado, que acordou por unanimidade os galardóns, estivo composto por Luís González Tosar, Maribel Outeiriño, Xosé Cid, Xan Fonseca Moretón e Antonio Piñeiro, actuando como secretario Xabier Castro Martínez 

Como figura nas actas, os premiados, "todos sete, de aí o Setestrelo, destacan pola súa entrega e polo seu labor de difusión e promoción da cultura, pola súa sensibilidade co proxecto da Ínsua dos Poetas. Todos sete, cada un ao seu xeito, veñen sendo partícipes deste soño, deste diálogo permanente entre a literatura, as artes plásticas, a música... en xeral a creatividade, neste espazo natural, neste locus amoenus que medra, ano a ano, neste fraterna xuntanza entre cultura e medio ambiente".