Lorena Domínguez

Lorena Domínguez Mallo licenciouse en Filoloxía Galega en 2006 e nese mesmo ano comezou os seus estudos de doutoramento na Área de Teoría da Literatura e Literatura Comparada da Universidade de Santiago de Compostela. No ano 2007 obtivo unha bolsa do programa de Formación de Profesorado Universitario do Ministerio de Ciencia e Innovación. Impartiu docencia de Teoría e Crítica Literarias na Facultade de Filoloxía da USC e participa en varios proxectos de investigación con financiación autonómica e do Goberno central. É reseñista de ProTexta e Lg3. Na actualidade é investigadora contratada no Centro Ramón Piñeiro de Investigación en Humanidades e está a preparar a tese de doutoramento sobre a construción do discurso historiográfico da literatura galega.