José Luís Forneiro

José Luís Forneiro Pérez é licenciado e doutor en Filoloxía Hispánica pola Universidad Autónoma de Madrid. Colaborador do Seminario Menéndez Pidal da Universidad Complutense de Madrid e da Fundación Menéndez Pidal (1984-1999). Profesor de Lingua Portuguesa na Universidade de Santiago desde 1994. Desde 2002 é Profesor Titular.

Autor dunha ampla bibliografía sobre a literatura tradicional galega, especialmente do romanceiro galego, na que destacan os libros El romancero tradicional de Galicia: una poesía entre dos lenguas (2000) e Allá em riba un rey tinha una filha. Galego e castelhano no romanceiro da Galiza (2004).