Iria Sobrino

Iria Sobrino Freire é profesora de Didáctica da Lingua e da Literatura na Universidade da Coruña. Licenciada en Filoloxía Hispánica e con DEA en Teoría da Literatura e Literatura Comparada, desenvolveu labores investigadores e docentes nas Universidades de Santiago de Compostela, Lisboa e Borgoña. Entre os seus ámbitos de interese atópanse o estudo do manifesto no campo cultural, a didáctica da literatura e a poesía galega contemporánea. É autora da edición de Ao pé de cada hora / Tempo de Compostela, de Salvador García-Bodaño.