Nota autopoética de Xosé María Costa para Non todo na auga é silencio, oitavo volume da colección Leliadoura, que contou cun limiar de X.L. Méndez Ferrín titulado "Salutación ao triste". Costa describe o seu propósito como poeta e asóciao ao logro dun clima discursivo persoal que saiba indagar nas sensacións que marcaron a experiencia no pasado e que ficaron como pegada viva no presente. Perfílase así unha poética da temporalidade íntima e da sentimentalidade na que o propio poeta destaca o peso específico de termos e conceptos como desexo, esperanza, alegría, melancolía, nostalxia e outros.