Reseña de Era na selva de Esm, volume compilatorio da poesía menos coñecida de Xosé Luís Méndez Ferrín. No texto rastréxase a posición e a función ocupadas polos rexistros poéticos menos difundidos do autor no conxunto da súa produción poética, desde os presentes no seu primeiro libro (Voce na néboa, 1957) até aqueles textos difundidos en tiraxes pequenas ou en publicacións non convencionais. Analízase, asemade, o significado da aparición deste volume na traxectoria de Ferrín.