Presentación, a xeito de autopoética, da exposición Material Metáfora como un libro de poemas en tres dimensións. Ademais da madeira, o ferro, o cristal, ou o papel, Pepe Cáccamo (nome co que Xosé María Álvarez Cáccamo asina como autor de poesía visual e obxectual) considera que estas obras están construídas cos tropos da retórica literaria, en especial coa metáfora, pois os seus poemas pertencen ao campo dos chamados procedementos imaxinativos.

O folleto reproduce as obras "O alfabeto da lúa", "Comala" e "Insomnio".