Estudo da traxectoria de Alfonso Pexegueiro, con referencia á súa posición no campo literario galego e, con menor profundidade, nos campos literarios catalán e español. Pescúdase a presenza do poeta en diversos materiais canonizadores como os manuais historiográficos e as antoloxías poéticas. Analízase, asemade e en relación co anterior, un dos trazos máis definitorios da súa poética: a construción dunha voz e dunha posición enunciativa localizada no exilio.