Recensión do poemario Vigo de Helena de Carlos. A cidade é o catalizador da melancolía, só adozada polo saber que proporcionan os clásicos, os mitos e a filosofía. Como motivos temáticos, a memoria da infancia, a paisaxe (o mar sobre todo), o paso do tempo (que todo o destrúe, mesmo o amor), a morte dos seres queridos e a casa como metáfora do que se foi perdendo e que sobrevive na lembranza. Dende o punto de vista formal, gábase a pulcritude da dicción, o dominio sintáctico e a lúcida e pudorosa emoción que emana dos textos.