Pérez Hervada procura achar a clave do significado da "sombra" en circunstancias biográficas, pois considera que toda a vida de Rosalía de Castro foi "pura sombra". A súa tese, xa exposta en artigos anteriores, é que a "sombra" representa a dor de envellecer e non ver cumpridas as ilusións. O autor bota en falla un estudo de conxunto sobre Rosalía de Castro e coida que as cartas –moitas delas perdidas– poderían aclarar numerosas cuestións.