Segunda entrega dunha serie de tres artigos de Xesús Bal y Gay sobre a chamada "nova xeración". Para o autor, a nova xeración galega precisa superar as egolatrías e os localismos e atinxir a cohesión. Se a xeración deixa de ser un círculo pechado e autocompracente de amigos, a paisaxe intelectual de Galiza mudará por completo. Bal y Gay exhorta a mocidade a que esqueza os amiguismos e inicie, con humildade, un labor colectivo, intenso e anónimo.