Texto da intervención de Xiana Arias Rego na Universitat Autónoma de Barcelona, o 20 de maio de 2008. A modo de autopoética, a autora enfía diálogos con distintos poetas da poesía galega recente: O Leo, María do Cebreiro, Manuel Darriba, Daniel Salgado, Alberto Lema, Lupe Gómez, o Colectivo Ronseltz e Valentina Carro. A contraposición de textos propios cos textos destes autores reconstrúe distintas liñas de forza repertoriais e grupais incidentes na poesía da última década.