Recensión de Dor da claridade, de Carlos Arias, na que se dá conta da aparición do selo literario Bubela e do movemento poético no que este se enmarca, coñecido como "sentimental_ISMO". Coméntase o limiar-manifesto de Xesús Manuel Valcárcel, impulsor da colección, no que saúda a obra de Arias como un exemplo do "rebelde stil nuovo". No que á análise do libro respecta, saliéntase a raíz filosófica da poesía de Arias e a súa reflexión que parte da vida cotiá para tratar temas como a infancia, o amor e a ausencia. A falta de citas e referencias intertextuais e o ton sereo son tamén trazos destacados do libro.