Guía de lectura sobre Lois Pereiro, con motivo do Día das Letras Galegas de 2011. Publicada on-line pola Biblioteca Municipal de Estudos Locais da Coruña, a guía sintetiza os aspectos biográficos e bibliográficos relativos á obra do poeta. Para a referencia aos aspectos vitais baséase nalgúns dos materiais publicados nos anos 2010 e 2011. A relación das obras escritas e publicadas por Pereiro, así como dos artigos e libros publicados sobre a súa traxectoria, aparece organizada de acordo coa súa clasificación nos fondos da biblioteca que edita a guía. Un último apartado vincula o poeta coa cidade da Coruña, a partir dunha selección de referencias procedentes de materiais críticos e biográficos diversos.