Recensión do primeiro libro de poemas de Frank Meyer, presentado por un limiar de Sandra Castiñeiras. O autor, poeta alófono franco-alemán,  dérase a coñecer anteriormente como tradutor con destacado dominio do galego. Poesía amorosa existencial, do intelecto e o sentimento, pero sempre apegada as cousas da propia experiencia. Destácanse os xogos fonéticos e o conceptismo retórico presente xa no título e constante na lingua poética empregada, así como a importancia da temática en relación coa nova expresión da masculinidade. A ollada reitérase como símbolo e adquire implicacións pragmáticas que se manifestan no despregamento do eu lírico en diferentes persoas verbais.