Estudo biobliográfico de tres escritoras galegas que viven, ou viviron, en Madrid: Mariví Villaverde, Carme Blanco Ramos e a poeta Maite Dono. Reprodúcense fragmentos das entrevistas feitas por Ana Acuña para documentar este artigo.

Mariví Villaverde, autora dun libro de memorias da guerra, ofrece o testemuño da represión, do exilio na Arxentina e do Madrid que atopa ao seu regreso, onde ela e o seu home, Ramón Valenzuela, entran en contacto con algúns integrantes do grupo Brais Pinto. Carme Blanco Ramos fai memoria dos seus comezos e da súa obra narrativa, como escritora emigrante que quere escribir na súa lingua familiar.

Pola súa banda, Maite Dono, poeta, cantante e actriz, explica o seu proxecto de escrita, a conformación do xénero na escrita, e o seu interese inicial por algunhas poetas, en particular Luísa Castro. Ofrécense algunhas chaves interpretativas para a lectura crítica da súa obra poética, en particular de Mar vertical (2000).