Estudo e repertorio da antoloxía de poetas galegos publicada ao longo de 60 números en A Nosa Terra.

Defende que esta antoloxía foi concibida como  ferramenta cultural que mostra a expresión fidedigna da identidade galega a través da poesía en galego e, xa que logo, se converte nun instrumento literario privilexiado para reivindicación nacional.

Salienta a importancia que se lle concede ao feito de o poema contar con musicalización previa como criterio para figurar na antoloxía e sublíñase a cativa presenza de Rosalía de Castro, debida ao complexo proceso de canonización de que foi obxecto. Esta sección en A Nosa Terra é a versión previa da antoloxía publicada en Literatura gallega (1911) por Carré e ofrécese a nómina completa de textos e autores. O artigo inclúe un apéndice cun repertorio de antoloxías publicadas entre finais do século XIX e 1936, que comparten parcialmente a escolma de textos publicada en A Nosa Terra.