Estudo dos fundamentos da crítica poética de Basilio Losada a través dos seus prólogos.

O prólogo, no que ten de captatio, permite desenvolver o que Losada denomina "crítica impresionista", unha lectura do texto de creación marcada pola subxectividade e a complicidade co texto e a instancia autorial. A partir das década de 1980 os prólogos de Losada, en particular os que escribiu para a colección Leliadoura de Sotelo Blanco Edicións, aséntase nunha fórmula recorrente e característica: lectura en primeira persoa, procura de conexión dos textos que se prologan cos clásicos e motivos fundamentais da historia da literatura, vontade didáctica e demostración de que a literatura galega é equiparábel a outras literaturas. No debate entre comunicación/coñecemento defende a emoción e o "misterio poético" como punto de indeterminación, un trazo que diferencia a poesía doutros xéneros literarios.