PoesiaGalega: "EnLisboaenSligoDublín"

Pereiro, Lois (1984)

"EnLisboaenSligoDublín"

21 segundos

pereiro_1984_enlisboa.mp3 (.mp3 345 Kb)

Subcampos: 1976-2002, Recital, Versificación libre, Poesía non lírica, Poéticas culturalistas, Poéticas existenciais

Descrición: Gravación pertencente ao recital ofrecido polo grupo poético De amor e desamor en 1984, como homenaxe a Castelao no ano en que a Xunta de Galicia trasladara os seus restos ao Panteón dos Galegos Ilustres. Trátase dunha versión previa e reducida do poema "EnLisboaenSligoDublín", incluído na antoloxía Después de la modernidad. Poesía española en sus lenguas literarias (Anthropos, 1987), así como en Poemas 1981-1991 (Edicións Positivas, 1992).

Tipo de son: Audio creación

Formato: mp3

Metadatos: Pereiro, Lois; De amor e desamor; Poemas 1981-1991; recital poético.

Observacións:

[Versión do poema finalmente publicada]

ENLISBOAENSLIGODUBLIN

(En-Lisboa-en-Sligo-Dublín)

A Piedad con todo amor,

contra min mesmo e pra sempre

Outro dia contra o tempo e dexenero

en erupción da cama, antimatéria,

se xa morte te sinto e non renuncio

á túa delor verquida na bañeira

deitada entre dúas capas de siléncio

reconvertida en tránsito que fura

a feble parede que nos separa

amor perpétuo sórdida nostalxia

entre o maino tremor da auga habitada

e a lenta liquidez do asesinato

Non renuncio ó teu sempre

ich liebe dich

[Texto tomado de Julia Barella (ed.). Después de la modernidad. Poesía española en sus lenguas literarias, Barcelona, Anthropos, 1987]

Accesíbel en liña no sitio web de Radiofusión