O vídeo recolle as declaracións de Xosé Manuel Pereiro, Antón Lopo, Antón Losada, Antón Patiño, Paco Macías, Menchu Lamas e Arturo Casas, amigos do poeta ou especialistas na súa obra. Estrutúrase de acordo cunha estratexia de dicionario, pois as entradas ás intervencións están marcadas polas acepcións dos vocábulos "poeta, personalidade, influencia, intensidade, vangarda, xeración, comprometido". Intercálanse imaxes diversas, como a estación ferroviaria de Monforte, O Incio, lugares de Madrid relacionados co poeta, e a lápida de Lois Pereiro, que pecha o vídeo mentres se escoita o poeta recitar os versos de seu epitafio.