Neste traballo son estudadas as versións galegas de Conde Alarcos, un romance xograresco xa testemuñado no século XV e que tivo unha grande difusión en Portugal e Brasil, e mesmo noutros territorios de influencia lusa como Goa e Malaca. As versións galegas deste tema romancístico presentan, en xeral, as mesmas características que os textos obtidos no ámbito lusófono, o que as diferencia das outras ponlas do romanceiro ibérico, máis próximas aos textos vellos.

No artigo inclúense dúas versións obtidas na provincia de Lugo.