A recensión propón unha interpretación do libro como unha pescuda na memoria individual do poeta a partir dunha viaxe en cinco etapas por distintos ámbitos xeográficos, unha viaxe que arrinca do Buenos Aires natal de González Tosar. Ao tempo, o comentario debulla algunhas das estratexias culturalistas (como a dimensión metaliteraria ou certos aspectos formais) que o poeta emprega aquí, e pon en relación este poemario co primeiro do autor, A caneiro cheo de 1986.