Semblanza biográfica, artística e ideolóxica de Luís Seoane, feita por Xosé Díaz, fillo de Isaac Díaz Pardo, e colaborador de Seoane no proxecto Sargadelos. Séguense os anos de infancia e particularmente os anos de formación en Compostela, onde aprende a pintar baixo a influencia de Manuel Colmeiro. A súa vida ofrécese como un modelo de compromiso, esforzo e loita e afírmase que nesa altura o labor de Seoane non era abondo coñecido, nin recoñecido, en Galicia. O artigo acompáñase con debuxos do propio escritor, entre eles a cuberta que preparou para Cantata en la tumba de Federico García Lorca de Alfonso Reyes.