Nota biobibliográfica divulgativa sobre o autor do Día das Letras Galegas, Manuel Leiras Pulpeiro. Deféndese que unha das principais achegas desta celebración é a recuperación de obras e figuras pouco coñecidas, así como a posibilidade de divulgar as súas contribucións, como aconteceu con Leiras Pulpeiro, o escritor homenaxeado en 1983, epígono dos escritores do Rexurdimento.

O perfil biográfico salienta a súa formación clásica no Seminario de Mondoñedo, a súa ideoloxía progresista, un interese singular polo galego dialectal do norte de Lugo, a importancia do ruralismo e a pegada da tradición progresista na súa escrita. Faise referencia ás obras completas publicadas en Nós e logo reeditadas por Xosé Luís Franco Grande en Galaxia. A nota remata con este destacado: "Mercade libros en galego".